當你同屋企一家大細遊多倫多, 可能必去地點

#多倫多旅遊攻略 #TorontoTravel #FamilyTravelingToronto #PlayinToronto #一家大細去遊多倫多

首先如果你一家大細喺指有老人家同細路仔，建議可以搭公共交通去downtown以下地點:

地點1 : #AquariumToronto 即喺水族館，個人感受唔喺好值呢個錢 (價錢Click入碌落去)，但帶細路去放電可以選擇去附近，買唔買票入去睇，邊幾個入去睇就自己決定。場館唔大，喺濃縮版香港海洋公園，唔好對顏值有太大期望，但如果細路要噃學識朋友仔，咁就應該要去吓。

好多人會同你講去電視塔附近，電視塔同水族館其實挨埋好近，入門費都好貴，但唔確定有冇本地身份第一次優惠。但對面馬路有個公園(Roundhouse Park)，四季都可以去，不過冬天室外活動去唔去就自己衡量。公園有個好似工廠外表之建築，入面有一間舒適餐廳同需要你大撒幣之室內遊樂場，帶細路去玩之前自己衡量下。

如果電視塔腳下底冇咩玩，行出去大湖邊有幾個唔算大但都好有文化歷史氣氛之公園，例如Harbourfront Centre 同旁邊幾個Park，睇地圖會見到位置。

以上介紹就比較Downtown Centre同埋需要消費之區域，仲有其他如Scotiabank Arena (中文叫加拿大航空中心，銀行贊助而建)，喺運動中心，有個Food Court，不過出入口好容易令初初去到之遊客迷路，唔識路要問Police同Google Map啦，附近都比較雜，自己注意財不露及人身安全。

地點2 :#HighPark 即喺中文地圖海柏公園。同名地鐵出入口附近有幾間Cafe，又有藥店同公共圖書館，去之前查好位置，帶同老人家時可以自由選擇，安排好行程，因為公園都唔細，腳骨力唔好要睇自己程度。

公園之功能性都好多。因為種好多櫻花，春季去可以賞櫻，就算冬季去都喺一個好選擇。園內有Cafe有兒童遊樂場(所有公園都不含電動遊樂設施，並且免費)，有個細動物園，設有幾種溫和動物。都夠一家大細行吓停吓，又食吓玩吓都至少半日消磨去。

(多倫多賞櫻地圖，來自網絡: 賞櫻介紹)

加拿大好多公園，當你習慣之後你就會明白公園之重要性。一家大細要出去玩得開心，都唔需要吓吓使錢，健康同安全及親近自然，睇落唔使錢先喺最貴嘅無價寶，睇落以為無咩做，但可能從中穫得靈感同舒緩，同時可以進行親子活動及教育。

地點3 :#NiagaraFall 尼亞加拉 瀑布城。喺多倫多生活咗一排而冇去過睇瀑布好似差緊少少嘢，你可以去紐約同布魯克林，然後感受紙醉金迷同金錢之藝術文化，但Niagara Fall城之感受比較緩和，衝擊感冇咁大，而且行程為一日之內，你唔需要給付貴價酒店之費用，又可以帶住一家人去”敗金”。主要街道為Clifton Hill 加上Victoria Ave，一家人可以好Chill地”敗金”。仲有觀瀑塔Skylon Tower可以選擇，當你想”獨”享瀑布去影相。去之前要上網查好當日你想去之設施之開放時間，避免摸門釘。自己揸車去要睇日子，假日都好多人好多車，搭旅遊巴去就要睇好時間安排行程。

去到個感受都冇咩特別，如果你回想起過大海去澳門，可能個感受喺差唔多，不過就唔喺夜繽紛，而喺”瀑繽紛”，唔知大家中意睇有顏色之瀑布，還是有顏色之夜市呢？

如果去到可能好夜又驚貴，可以喺Walmart買定熟食再去，當一家人去野餐，不過記得帶走垃圾同處理好。揸車人士，來去旅途都可以自行選擇落HighWay去農莊買紅酒，途中你會睇到好多牌，去之前都可以查清楚。

去完一程，可能你會搵到之前嗰”差少少”。